Gabriela Rivadeneira

Expresidenta de la Asambleísta Nacional del Ecuador (2013-2017) y exasambleísta de la Bancada de la Revolución Ciudadana (2017-2021). Comprometida con la causa de las mujeres, las mayorías populares y la Patria Grande.

Dirigente y militante de la Revolución Ciudadana. En 2013, a los 29 años, se convirtió en la primera mujer y la persona más joven en ejercer la presidencia de la Asamblea Nacional del Ecuador, cargo para el que resultó reelecta en 2015, cumpliendo, de este modo, dos periodos consecutivos al frente de la Función Legislativa. Por más de 18 años ha estado al servicio del pueblo ecuatoriano en distintos cargos de elección popular: como concejala y vicealcaldesa de su cantón, Otavalo, y como viceprefecta y gobernadora de la provincia de Imbabura.

KAYAMI MUSHUK ALLPA KAMACHIYTA ATINAKUY KANKA



Kaya, 09h30 sayllata, 311 yupay, Mamallakta Tantanakuypak tantari kanka, chaymanka Mamallakta Tantanakuyta pushak Gabriela Rivadeneira kayashka kamachiy killkakkuna, kaypimi mushuk Tierras Rurales y Territorios Ancestrales Kamachiyta atinakunka, kay Comisión de Soberanía Alimentaria minkashka killkashkatami rikunkakuna, kay killkashka pankakunaka llaktakunapi rimanakushkami kan.

Imashina yuyachinchik, minkashka tantaripi kak iskun kamachiy killkakunami arinirirka, kay kamachiyka paklla allpakunaman, pampa allpakunaman yaykurinatami rikuchin, chay allpakuna runakunata yanapanka, pachamamata mana wakllichina kuskakunami kanka. Ashtawankarin, charimushka, kikinpak allpakunata allichinka. Awki mikunata charinkapa, alli pukuykuna tiyachun allpata kamana, tukuyman paktachun kutintak rakinka. Shinallatak unipak pachamama tiyachun, llankaywan pachamamawan paktapakta kachun, allpa hayñita charikkunata kamachiywan kamana.

Ashtawankarin, allpata riksina, kamachiywan kuna, shutichichun yanapanka. Shinallatak sapsipak ayllullaktapak, yanallaktapak, yunka runapak allpata riksinka. Mamakamachiypi, ista kamachiypi riksishkakunawan kay kamachiyka alli killkarinka.

Kay kamachiyta paktachinka, ñawpa pachamanta charimushka allpata, purina allpata riksinka, shinallatak allpa hawapi ayllullakta, sapsi, llaktakuna, runa llaktakuna chikan chikan yuyaywan wiñarishkakuna. Chaypimi tantarishpa, kawsaytarpuyta, nunata tarpushka, kullkita charimushka, paykunapak munaywan chikan chikan kawsayta charimushka allpata riksinka.

Ashtawanpash, Mamallaktawan, runakunawan, kamachiywan kimirichun, istallaktamanta runakuna, Mamallakta charimushka allpakunata, purina llaktakunata, runa llaktakunata kamachiywan riksinka, kamchiywan shutichinka.

Kay mushuk kamachiyka pakllapi charishka allpakunaman kimirishpa allpata paktapakta charinatami riksin, ayllukuna tarpuyman yaykurinata riksin, allpa rantina kullki, tarpushpa pukuchina murukunata nikina, pakllapi tiyak allpakunata ama mapayachun harkana, paklla allpata nikina, ayllupura tantarishpa murukunata pukuchina, sapsi allpata, llaktapak allpata, runa llakta allpata charina hayñita riksinka.

Shinallatak, tarpuna, runakunata yanapak, pachamamata mana wakllichina, pakllapi tiyak allpakunata kutin rakina, awki mikuna, shuktak allikunata charina llaktayta charinatami kun.

Kay Soberanía Alimentaria Minkashka, manarak kay Tierras Rurales y Territorios Ancestrales kamachiyta arnishpa llaktakunata tapuna yuyayta churan.

PV/jc-kichwa